ԱՄՆ-ը սահմանափակումներ է սահմանում օտարերկրյա պաշտոնյաների համար․ Ռուբիո

Միացյալ Նահանգները վիզային սահմանափակումներ կսահմանի օտարերկրյա պաշտոնյաների, այդ թվում՝ Եվրոպայից, ովքեր ներգրավված են արտասահմանում ամերիկացիների խոսքի ազատության սահմանափակման գործում։ Այս մասին սոցցանցերում հայտնել է ԱՄՆ պետքարտուղար Մարկո Ռուբիոն։

«Այսօր ես հայտարարում եմ վիզայի նոր սահմանափակման քաղաքականության մասին, որը կվերաբերի օտարերկրյա պաշտոնյաներին և այն անձանց, ովքեր մեղսակից են ամերիկացիների գրաքննությանը», - գրել է Ռուբիոն։

Նա նշեց, որ խոսքի ազատությունը կարևոր է ամերիկյան հասարակության համար։ Պետքարտուղարը շեշտեց, որ սա անօտարելի իրավունք է, որի նկատմամբ օտարերկրյա կառավարությունները որևէ լիազորություն չունեն։