ԱՄՆ-ն և Իրանը կարող են համաձայնության գալ առաջիկա շաբաթներին․ Թրամփ
Աշխարհ
ԱՄՆ նախագահ Դոնալդ Թրամփը հայտարարել է, որ հնարավոր է, որ ԱՄՆ-ն և Իրանը մի քանի շաբաթվա ընթացքում համաձայնության գան Թեհրանի միջուկային ծրագրի վերաբերյալ։ Այս մասին նա լրագրողներին ասաց Սպիտակ տանը։
«Ես նույնիսկ չգիտեմ։ Կարծում եմ՝ հաջորդ մի քանի շաբաթվա ընթացքում, եթե դա տեղի ունենա»,- պատասխանել է Թրամփը այս հարցի վերաբերյալ հարցին։
Իրանի և Միացյալ Նահանգների ներկայացուցիչները մայիսի 23-ին Հռոմում անցկացրեցին Իրանի միջուկային ծրագրի շուրջ ստեղծված ճգնաժամի կարգավորման վերաբերյալ բանակցությունների հինգերորդ փուլը, որտեղ որպես միջնորդ հանդես եկավ Օմանը։ Խորհրդակցություններից հետո Օմանի արտաքին գործերի նախարար Բադր ալ-Բուսաիդին հայտնեց, որ «որոշակի, բայց ոչ վերջնական առաջընթաց» է գրանցվել։ Ինչպես նշել է նրա իրանցի գործընկեր Աբբաս Արաղչին, Թեհրանն ու Վաշինգտոնը հույս ունեն դրական արդյունքների հասնել մեկ կամ երկու հանդիպման ժամանակ։
Երեքշաբթի օրը կայացած ճեպազրույցի ժամանակ Պետդեպարտամենտի խոսնակ Թեմի Բրյուսը հայտարարել է, որ բանակցությունների վերջին փուլը կառուցողական է եղել։ Նա նաև նշեց, որ կողմերը «համաձայնվել են կրկին հանդիպել մոտ ապագայում»։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
