The Washington Post. Իրանի միջուկային ծրագրի նոր արգելքները

Ըստ մի շարք արևմտյան դիվանագետների և միջուկային փորձագետների՝ Իրանի միջուկային ծրագրի նոր անհաջողությունները սկսվեցին այն ժամանակ, երբ Իրանի նկատմամբ աճեց միջազգային ճնշումը, այդ թվում ԱՄՆ իշխանությունների կողմից Իրանի դեմ հնչած մեղադրանքները, որ Իրանի պաշտոնատար անձինք աջակցել են Վաշինգտոնում Սաուդյան Արաբիայի դեսպանի սպանությունը իրականացրած ահաբեկիչներին։ Վերլուծաբանների կարծիքով Իրանը գնալով դառնում է հուսախաբ և անկայուն՝ պայմանավորված տարածաշրջանում քաղաքական դինամիկ զարգացումներով և նրա միջուկային ծրագրերի իրականացումով։ Սակայն Իրանը շարունակում է ուրանի հարստացումը՝ խախտելով ՄԱԿ-ի բանաձևերը և վերջին երկու նոր զեկույցները, որում քննադատվում է Իրանի միջուկային ծրագրի գաղտնիությունը և գիտնականների կողմից հին սարքավորումների շահագործումը։ Ըստ ՄԱԿ–ի միջուկային ծրագրերի հարցերով պաշտոնյաների հավաքագրած ինֆորմացիայի՝ Իրանի ամենամեծ միջուկային համալիրը գտնվում է Նաթանզ քաղաքում։ ՄԱԿ–ի միջուկային անվտանգության հարցերով կազմակերպության նախկին աշխատող՝ Դեիվիդ Օլբրայթը ասել է, որ Իրանի միջուկային ծրագրի նկրտումները գլոբալ առումով «ճակատագրական» չի։

«Ամերիկյան հետախուզության պատասխանատուները պետք է եզրակացնեն, որ Իրանի կրոնական առաջնորդները փորձում են արագ ստանալ միջուկային զենք, սակայն, Իրանի բարձրաստիճան ղեկավարության որոշ անդամներ հանձն չեն առնում ատոմային ռումբ կառուցելու Իրանի մտադրությունները և պնդում են, որ իր միջուկային ծրագրերը խաղաղ նպատակներով են իրագործվում»,– ասել է Օլբրայթը։