Ռուսաստանի մայրաքաղաքին Taurus-ով հարվածը կնշանակի Մերցի քաղաքական ավարտը․ վերլուծաբան

Գերմանական Taurus հրթիռներով հարվածը Ռուսաստանի մայրաքաղաքին քաղաքական ավարտ կլինի Գերմանիայի կանցլեր Ֆրիդրիխ Մերցի համար, հատկապես, եթե Ռուսաստանը պատասխան հարված հասցնի: Այս մասին ՌԻԱ Նովոստիին ասել է ֆրանսիացի վերլուծաբան, STRATPOL քաղաքական ու ռազմավարական վերլուծությունների կենտրոնի հիմնադիր Քսավյե Մորոն։

Նա հիշեցրել է ռուսական պատասխան հարվածը, որի հավանականության մասին նշել է Russia Today-ի և RT հեռուստաալիքի «քաջատեղյակ» խմբագիր Մարգարիտա Սիմոնյանը, և նշել է, որ եթե մի օր Taurus-ը հանկարծակի հարձակվի Մոսկվայի վրա, Ռուսաստանի կառավարությունը այլ ելք չի ունենա, քան պատասխան հարված հասցնել Բեռլինին։

Վերլուծաբանն ընդգծել է, որ իրադարձությունների նման զարգացումը կնշանակի Մերցի քաղաքական վախճանը, և այդ պատճառով՝ Գերմանիայի կանցլերը չի համարձակվի համաձայնություն տալ Մոսկվային գերմանական հրթիռներով հարվածին։