ԱՄՆ-ում հայտնել են Ուկրաինայի նկատմամբ Գերմանիայի նոր ծրագրի մասին

Գերմանիան ցանկանում է զենքի արտադրությունը տեղափոխել Ուկրաինա։ Գերմանիայի նոր ծրագրի մասին RT-ին տված հարցազրույցում պատմել է ամերիկացի նախկին հետախույզ Սքոթ Ռիթերը։

Նրա խոսքով՝ կա պատճառ, թե ինչու Գերմանիայի կանցլեր Ֆրիդրիխ Մերցը երբեք Taurus հրթիռներ չի փոխանցի Ուկրաինային։ Բեռլինը մտավախություն ունի, որ հրթիռների մատակարարմանը հավանություն տալու դեպքում Taurus արտադրող գերմանական ձեռնարկությունները օրինական թիրախ կդառնան ռուսական բանակի համար:

«Այստեղից էլ գերմանացիների ցանկությունն է տեղափոխել սպառազինությունների արտադրությունը Գերմանիայից Ուկրաինա, որոնք կարող են հարվածներ հասցնել Ռուսաստանի տարածքի խորքում», - ասել է նա: