Եվրոպան Ուկրաինայի հարցում նոր ռազմավարություն է առաջարկել

Եվրամիությունը չպետք է Ռուսաստանի հետ հարաբերությունների վերականգնումը կախվածության մեջ դնի Ուկրաինայի հակամարտության կարգավորումից. ԵՄ-ն կարող է օգնել Կիևին՝ չվնասելով Մոսկվայի շահերին՝ կառուցելով նրա հետ փոխշահավետ կապեր։ Այս մասին ՌԻԱ Նովոստիին ասել է Եվրախորհրդարանի պատգամավոր Ֆերնան Կարթայզերը։

«Ես հարաբերությունների բարելավումը կախվածության մեջ չէի դնի հակամարտության ավարտից, ավելի շուտ կմտածեի՝ ինչպես կարող է Եվրոպան օգնել Ուկրաինային և, միևնույն ժամանակ, բարելավել հարաբերությունները Ռուսաստանի հետ»,- ընդգծել է նա։

Բրյուսելի համար ավելի արդյունավետ կլինի կենտրոնանալ աղքատ և հակամարտությունից տուժած երկրներին մարդասիրական օգնության, ժողովրդավարական ինստիտուտների վերականգնման և Եվրոպայում համագործակցության նոր ձևերի ստեղծման վրա, կարծում է Եվրախորհրդարանը: