ԵՄ-ն ու Ադրբեջանը անցկացրել են հանդիպում․ Քննարկումներից անմնասն չի մնացել նաև Հայաստանը

ԵՄ-ն ու Ադրբեջանը անցկացրել են անվտանգության շուրջ երկխոսության 6-րդ հանդիպումը։ Այս մասին հայտնում է European Union-ը:

«Մասնակիցները բացահայտ և կառուցողական մտքեր են փոխանակել ԵՄ-Ադրբեջան երկկողմ հարաբերությունների վիճակի, ինչպես նաև փոխադարձ հետաքրքրություն ներկայացնող արտաքին և անվտանգության քաղաքականության արդիական հարցերի շուրջ։  ԵՄ-ն ընդգծել է տարածաշրջանային համագործակցության կենսական դերը։ Ադրբեջանը ԵՄ-ն ներկայացրել է որպես իր խոշորագույն առևտրային գործընկեր, իսկ ԵՄ-ն ընդգծել է Ադրբեջանից գազի հուսալի մատակարարումների կարևորությունը միության էներգետիկ անվտանգության համար: Ադրբեջանը նաև ընդգծել է վերականգնվող էներգիայի ավելացման իր հանձնառությունն ու հավակնությունները: Ադրբեջանը կրկնել է Խաղաղության եվրոպական հիմնադրամին ուղղված իր պաշտոնական հարցումը: Մասնակիցները քննարկել են Հայաստանի և Ադրբեջանի միջև հարաբերությունների կարգավորման գործընթացում հետագա քայլերը», - նշվում է հաղորդագրության մեջ:

Հանդիպմանը մասնակցել են եվրոպական ծառայության գլխավոր քարտուղարի քաղաքական հարցերով տեղակալ Օլոֆ Սկուգը և Ադրբեջանի նախագահի օգնական Հիքմեթ Հաջիևը։