Գերմանիայում էլեկտրաէներգիայի գները կտրուկ նվազել են

Գերմանիայում էլեկտրաէներգիայի գները կտրուկ անկում են ապրել քամոտ եղանակի պատճառով։ Մայիսի վերջին էլեկտրաէներգիայի արժեքը հասավ -13.17 եվրոյի մեկ մեգավատտ-ժամի համար, գրում է Bloomberg-ը։

Լրագրողների խոսքով՝ վատ եղանակը նպաստել է քամու էներգիայի արտադրության վերականգնմանը հանգիստ ձմռանից հետո։

«Գերմանիայում քամու էներգիայի արտադրության վերջին աճը, որը, կանխատեսումների համաձայն, կայուն կմնա առնվազն մինչև հունիսի առաջին շաբաթը, թույլ է տվել, որ Գերմանիայում մեկօրյա գները զգալիորեն ցածր լինեն նույնիսկ արդյունավետ ածխային և գազային էլեկտրակայանների սահմանային արժեքից», - ասել է Energy Aspects Ltd-ի վերլուծաբան Սաբրինա Քերնբիչլերը։