Ինչ են քննարկել Էրդողանն ու Զելենսկին

Ուկրաինայի նախագահ Վոլոդիմիր Զելենսկու հետ հեռախոսազրույցի ժամանակ Թուրքիայի նախագահ Ռեջեփ Թայիփ Էրդողանը հայտարարել է, որ Անկարան կողմ է Ռուսաստանի և Ուկրաինայի պատվիրակությունների միջև բանակցությունների շարունակմանը։ Այս մասին հայտնում է «ՌԻԱ Նովոստի»-ն՝ հղում անելով Թուրքիայի նախագահի գրասենյակին։

«Թուրքիան աջակցում է Ստամբուլում սկսված երկու երկրների պատվիրակությունների միջև բանակցությունների շարունակմանը», - ասվում է հայտարարության մեջ։

Էրդողանը նշել է, որ Ստամբուլում բանակցությունների ընթացքում համաձայնեցված գերիների փոխանակման մասին համաձայնագիրը կնքվել է կարճ ժամանակահատվածում։

Թուրքիայի նախագահը նաև հավելել է, որ հնարավոր հրադադարը, որը կքննարկվի բանակցությունների երկրորդ փուլի ընթացքում, կհարթի խաղաղության ճանապարհը։