Ռուսաստանի և Չինաստանի միջև վիզային ռեժիմը կարող է չեղարկվել

Ռուսաստանը և Չինաստանը հունիսին կարող են համաձայնության գալ անվիզա ռեժիմի նոր պայմանների շուրջ, գրում է «Իզվեստիան»։

Նշվում է, որ Մոսկվան և Պեկինը բանակցություններ են վարում երեք կամ ավելի անձանցից բաղկացած զբոսաշրջային խմբերի համար վիզաների վերացման շուրջ։

«Մենք ստացել ենք մեր չինացի գործընկերների տեսակետը անվիզա ռեժիմի խմբային զբոսաշրջային ուղևորությունների մասին համաձայնագրում փոփոխությունների վերաբերյալ և աշխատում ենք դրանց վրա։ Հունիսին Ցինդաոյում զբոսաշրջության հարցերով երկկողմ հանձնաժողովի նիստում մենք նախատեսում ենք համաձայնեցնել փաստաթղթի վերջնական տարբերակը», - հայտնել է Ռուսաստանի տնտեսական զարգացման նախարարությունը։