Թրամփը խորհուրդ տվեց Մակրոնին՝ «պահել դուռը փակ»
ԱՄՆ
ԱՄՆ նախագահ Դոնալդ Թրամփը մեկնաբանել է Ֆրանսիայի նախագահ Էմանուել Մակրոնի և նրա կնոջ՝ Բրիջիթ Մակրոնի մասնակցությամբ տեսանյութը, որտեղ վերջինս ապտակում է ամուսնուն Վիետնամի օդանավակայանում: Թրամփը, հանդես գալով Մակրոնի հետ համատեղ ասուլիսում Սպիտակ տանը, նախ ասաց, որ տեղյակ չէ մանրամասներին, ապա կատակով ավելացրեց. «Խորհուրդ կտայի դուռը փակ պահել: Սա վատ ժեստ էր»: Նա հավելեց, որ լավ հարաբերություններ ունի Մակրոնների հետ և վստահ է, որ նրանց հարաբերություններում խնդիրներ չկան:
Տեսանյութում, որը լայն տարածում է գտել համացանցում, երևում է, թե ինչպես է Բրիջիթը հանկարծակի ապտակում ամուսնուն հենց օդանավից դուրս գալիս: Էլիզեի պալատը սկզբում փորձեց հերքել տեսանյութի իսկությունը, սակայն ավելի ուշ հաստատեց, որ այն իսկական է: Ինքը՝ Մակրոնը, նշեց, որ դա ընդամենը կատակ էր, և ընտանիքում լուրջ խնդիրներ չկան:
Էմանուել Մակրոնը և Բրիջիթ Մակրոնը ամուսնացած են 2007 թվականից: Բրիջիթը Մակրոնի նախկին ֆրանսերենի ուսուցչուհին է, ով նրանից 24 տարով մեծ է: Զույգն ունի կայուն հարաբերություններ՝ չնայած տեսանյութի շուրջ ստեղծված աղմուկին, հայտնում է Spletnik-ը:
ՈՒՂԻՂ ԵԹԵՐ
Ամենադիտված 
Ո՞րն է սիրված արտիստ Արտաշես Ալեքսանյանի մահվան պատճառը. հայտնի են մանրամասներ
