Խինշտեյնը հայտարարեց Կուրսկի մարզում Ուկրաինայի ԶՈւ ներխուժումից ի վեր անհետ կորածների մասին

Կուրսկի մարզի ղեկավարի ժամանակավոր պաշտոնակատար Ալեքսանդր Խինշտեյնը հայտնել է, որ Ուկրաինայի Զինված ուժերի ներխուժումից հետո Կուրսկի մարզում անհետ կորած է 576 բնակիչ, որոնց թվում են չորս անչափահասներ։ Այս մասին պաշտոնյան հայտնել է իր Telegram-ալիքում։

 

«Ցավոք, մինչ օրս 576 մարդու մասին տեղեկություն չկա՝ նրանց գտնվելու վայրը որոշելու աշխատանքները շարունակվում են»,- գրել է Խինշտեյնը։

Նրա խոսքով՝ ռուսական զորքերն ու հետաքննիչները փաստեր են հայտնաբերել Ուկրաինայի ԶՈւ հանցագործությունների մասին։ Նրանց գործողությունների արդյունքում զոհվել է 304 խաղաղ բնակիչ, որոնց մեծ մասը հաջողվել է նույնականացնել։

 

Ուկրաինայի ԶՈՒ-ն ներխուժել է Կուրսկի մարզ 2024 թվականի օգոստոսի 6-ին։ Ռուսական զորքերի ջանքերով հաջողվել է ազատագրել մի շարք օկուպացված բնակավայրեր, այդ թվում՝ Սուջա քաղաքը։ 2025 թվականի ապրիլի 26-ին հայտարարվել է Կուրսկի մարզի լիարժեք ազատագրման մասին։ ՌԴ ԳՇ պետ Վալերի Գերասիմովը ընդգծել է, որ մարտերին մասնակցել են նաև ԿԺԴՀ զինվորականները։