Թուրքիան ջանքեր է գործադրում Ստամբուլում ՌԴ–ի և Ուկրաինայի միջև հանդիպում իրականացնելու համար․ Էրդողան

Թուրքիայի նախագահ Ռեջեփ Թայիփ Էրդողանը իր բուլղարացի գործընկեր Ռումեն Ռադևի հետ հեռախոսազրույցի ժամանակ հայտարարել է, որ Թուրքիան աշխատում է Ստամբուլում Ռուսաստանի և Ուկրաինայի միջև հանդիպում իրականացնելու ուղղությամբ: Այս մասին հաղորդում է ՏԱՍՍ-ը։

«Ուկրաինայի և Ռուսաստանի միջև պատերազմը դադարեցնելու ջանքերը շարունակվում են ... Թուրքիան աշխատում է կողմերին Ստամբուլում միավորելու ուղղությամբ՝ տարածաշրջանում խաղաղություն ապահովելու համար», - ասել է թուրք առաջնորդը։

Ինչպես նշվում է հաղորդագրության մեջ, զրույցի ընթացքում Էրդողանը և Ռադևը քննարկել են Թուրքիայի և Բուլղարիայի երկկողմ հարաբերությունները, տարածաշրջանային և համաշխարհային հարցեր։