Սպասվում է Թրամփ-Սի Ծինփին հեռախոսազրույց. Սպիտակ տուն
Աշխարհ
ԱՄՆ նախագահ Դոնալդ Թրամփի և Չինաստանի Ժողովրդական Հանրապետության ղեկավար Սի Ծինփինի հեռախոսազրույցը, ինչպես սպասվում է, կարող է կայանալ առաջիկա շաբաթվա ընթացքում, հայտնել է Սպիտակ տան Ազգային տնտեսական խորհրդի տնօրեն Քևին Հասեթը։
«Մենք ակնկալում ենք, որ նախագահ Թրամփը այս շաբաթ կանցկացնի կարևոր քննարկում նախագահ Սիի հետ՝ առևտրային բանակցությունների շուրջ։ Սա մեր սպասելիքն է», – ասել է նա ABC News հեռուստաալիքին տված հարցազրույցում։
Հասեթն ընդգծել է, որ այս պահին չի կարող հաստատել՝ արդյոք այդ զրույցը նախատեսված է որևէ կոնկրետ ամսաթվով։
«Միջազգային հարաբերություններում երբեք չես կարող լիովին համոզված լինել, բայց իմ սպասումը այն է, որ երկու կողմերն էլ արտահայտել են խոսելու պատրաստակամություն», – հավելել է պաշտոնյան։
Ուրբաթ Թրամփը հայտարարել էր, որ հույս ունի հեռախոսազրույց ունենալ Սիի հետ՝ երկու երկրների միջև առաջացած առևտրային տարաձայնությունները կարգավորելու նպատակով։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
