Թուրքիայի արտգործնախարարը մտադիր է միանալ ռուս-ուկրաինական բանակցություններին

Թուրքիայի արտգործնախարար Հաքան Ֆիդանը կմիանա Ստամբուլի Չիրագան պալատում Ռուսաստանի և Ուկրաինայի պատվիրակությունների բանակցություններին։ Այս մասին հայտնում է РИА Новости-ն՝ թուրքական դիվանագիտական ​​աղբյուրին հղումով։

Երկու երկրների պատվիրակությունների հանդիպումը կսկսվի Երևանի ժամանակով՝ 14:00-ին։

«Նա նախատեսում է միանալ»,- ասել է գործակալության աղբյուրը՝ պատասխանելով բանակցություններին Թուրքիայի արտգործնախարարի մասնակցության մասին հարցին։