Ռուսաստանում հանդես են եկել վեյփերի վաճառքի ամբողջական արգելքի օգտին

Ռուսաստանի արդյունաբերության և առևտրի նախարար Դենիս Ալիխանովը հանդես է եկել վեյփերի վաճառքի լիակատար արգելքի նախաձեռնությամբ։ Նրա խոսքով՝ նման արտադրանքը հիմնականում թիրախավորում է դեռահասներին, ինչը լուրջ վնաս է հասցնում նրանց առողջությանը։ Նախարարը նշել է, որ նույնիսկ սահմանված տարիքային սահմանափակումները բավարար արդյունավետ չեն, իսկ արտադրանքի որակը և դրա հետևանքները առողջության վրա վտանգավոր են։

 

Ավելի վաղ Ռուսաստանի նախագահ Վլադիմիր Պուտինը ստորագրել էր օրենք, որով խստացվել էին էլեկտրոնային ծխախոտի, վեյփերի և կալյանների վաճառքի կանոնները անչափահասներին, սահմանելով մինչև 2 միլիոն ռուբլի տուգանքներ։

 

Վոլոգդայի մարզում արդեն իսկ որոշում է կայացվել արգելել վեյփերի և նիկոտին պարունակող արտադրանքի վաճառքը՝ խստացված վերահսկողությամբ խանութների վրա, հայտնում է Лента.ру-ն։