ՌԴ-ում գնահատել են Տ-80ԲՎՄ տանկերի տոկունությունը

«Ростех» պետական կորպորացիայի տվյալներով՝ արդիականացված Տ-80ԲՎՄ տանկերը ստացել են լրացուցիչ պաշտպանություն, որն ապահովում է մարտունակությունը անգամ բազմաթիվ հարվածներից հետո։ Տանկերը համալրվել են հակակումուլյատիվ ցանցերով, լրացուցիչ դինամիկ պաշտպանության բլոկներով և աշտարակների համար նախատեսված հովանոցներով՝ պաշտպանվելու համար դրոն-կամիկաձեներից։

 

«Այս լրացուցիչ բազմաշերտ պաշտպանությունը Տ-80ԲՎՄ տանկերին տալիս է առավելություն, հատկապես համեմատած Ուկրաինայի կողմից կիրառվող արևմտյան տանկերի հետ։ Կան բազմաթիվ դեպքեր, երբ մեր տանկերը չեն կորցնում մարտունակությունը անգամ հակատանկային միջոցներից ստացած բազմակի հարվածների դեպքում», – նշված է հաղորդագրությունում։