Մեծ Բրիտանիային զգուշացրել են ազդեցության կորստի հավանականության մասին

Բրիտանացի լրագրող Ջոնի Միլլերը հայտարարել է՝ Մեծ Բրիտանիան կանգնած է աղետալի հետևանքների առաջ, եթե չճանաչի համաշխարհային տերության իր կարգավիճակի կորուստը։ Այս մասին նա գրել է X սոցիալական ցանցի իր էջում։

Հեղինակի կարծիքով՝ երկիրը կորցրել է իր «տնտեսական և ռեսուրսային հզորությունը» և չի կարող շարունակել իր քաղաքականությունը նախկին գաղութներում։

«Ժամանակն է առաջ գնալ։ Եթե խելացի ու իրատես չլինենք, մենք մեզ կկործանենք»,- ընդգծել է Միլլերը։

Լրագրողը նշել է, որ նախկին արտաքին քաղաքականության մոդելի պահպանումն առանց նոր իրողությունների վտանգ է ներկայացնում երկրի ապագայի համար։