Կուրսկում մշակութային ժառանգության երեք օբյեկտ վնասվել է ԱԹՍ հարձակման արդյունքում

Կուրսկի կենտրոնում մայիսի 30-ին Ուկրաինայի Զինված ուժերի կողմից իրականացված անօդաչու թռչող սարքերի հարձակման հետևանքով վնասվել են երեք մշակութային ժառանգության օբյեկտներ։ Այս մասին իր «Telegram»-ալիքում հայտնել է Կուրսկի ժամանակավոր գործադիր ղեկավար Ալեքսանդր Խինշտեյն։

 

Նա նշել է, որ բոլոր երեք շինությունները ներառվել են «Սպիտակ գրքում», որը վերաբերում է Ուկրաինայի հարձակումներից տուժած պատմական շինություններին։ Ընդհանուր առմամբ, «Սպիտակ գրքում» արդեն ընդգրկվել է 77 մշակութային ժառանգության օբյեկտ։

 

Խինշտեյն հայտնել է նաև, որ հարձակման հետևանքով վնասվել են 13 մասնավոր և 2 բազմաբնակարան շենք, մի քանի ավտոմեքենա, ինչպես նաև մաշկային և վեներական հիվանդությունների դիսպանսերը և քաղաքի թիվ 1 հիվանդանոցը։ Վարչական մարմինները խոստացել են, որ բոլոր տուժած քաղաքացիներին կտրամադրվի անհրաժեշտ աջակցություն։