Թաիլանդում փիղը «թալանել է» խանութը

Թաիլանդում փիղը մտել է խանութ և կերել ցուցափեղկերում դրված սնունդը, հայտնում է South China Morning Post-ը։

Հսկա կենդանին, որը այդ վայրում հայտնի է Պլայ Բիանգ Լեկ անունով, մտել է խանութ, և, հենվելով առաստաղին, կերել է մի քանի տուփ բրնձի կրեկեր և հանգիստ դուրս եկել:

Միջադեպը տեղի է ունեցել Նախոն Ռատչասիմա նահանգի Պակ Չոնգ թաղամասում՝ Խաո Յայ ազգային պարկի մերձակայքում գտնվող խանութում, որտեղ վայրի փղերը հաճախ են երևում, ովքեր հեռանում են պաշտպանված տարածքներից՝ սնունդ փնտրելու համար։

Պլայ Բիանգ Լեկը դարձել է Խաո Յայի տարածաշրջանի սարսափը՝ բնակավայրերի վրա իր հաճախակի արշավանքներով: