Զելենսկու գրասենյակի ղեկավարը հանդիպել է ԱՄՆ նախագահի հատուկ ներկայացուցչի հետ․ ինչ են քննարկել

Վլադիմիր Զելենսկիի գրասենյակի ղեկավար Անդրեյ Երմակը Վաշինգտոնում հանդիպել է ԱՄՆ նախագահի Ուկրաինայի հարցերով հատուկ ներկայացուցիչ Քիթ Քելլոգի հետ և պատմել նրան հունիսի 2-ին Ստամբուլում Ռուսաստանի հետ կայացած բանակցությունների մասին:

«Վաշինգտոնում, թիմի հետ միասին, ես հանդիպեցի Քիթ Քելլոգի հետ։ Մենք քննարկեցինք ռազմաճակատում տիրող իրավիճակը, Ստամբուլում կայացած հանդիպումների արդյունքները», - գրել է Երմակը իր Telegram ալիքում։

Միևնույն ժամանակ, Ստամբուլում բանակցությունների նախօրեին Զելենսկու գրասենյակը հույս հայտնեց Քելլոգի կամ ԱՄՆ-ից և Եվրոպայից այլ պատվիրակների մասնակցության վերաբերյալ։ Սակայն Պետդեպարտամենտի մամուլի ծառայության ղեկավար Թեմի Բրյուսը հայտարարեց, որ բանակցությունները պետք է անցկացվեն անմիջապես Մոսկվայի և Կիևի միջև։

Երմակը Քելլոգի հետ զրույցում նաև բարձրացրել է Կիևին ռազմական օգնության հարցը։ Զելենսկին նախկինում բողոքել էր, որ Ուկրաինան պատրաստ է վճարել 15 միլիարդ ԱՄՆ դոլար 10 Patriot համակարգերի համար, սակայն Վաշինգտոնը հրաժարվել է վաճառել համակարգերը։