ՄԱԿ-ին ԱՄՆ պարտքը գերազանցում է 3 միլիարդ դոլարը․ Զախարովա

Միացյալ Նահանգները ՄԱԿ-ի ամենամեծ պարտապանն է․ պարտքն արդեն գերազանցել է 3 միլիարդ դոլարը։ Այս մասին Sputnik ռադիոկայանի եթերում ասել է ՌԴ ԱԳՆ պաշտոնական ներկայացուցիչ Մարիա Զախարովան։

«Այսօրվա դրությամբ ԱՄՆ-ի պարտքը ՄԱԿ-ին արդեն գերազանցել է 3 միլիարդ դոլարի շեմը»,- ասել է դիվանագետը։

Հունիսի 3-ին ամերիկացի ձեռնարկատեր Իլոն Մասկը X սոցիալական ցանցում կոչ է արել դադարեցնել ՄԱԿ-ի ֆինանսավորումը: Այսպես է նա մեկնաբանել ՄԱԿ-ի գլխավոր քարտուղար Անտոնիո Գուտերեշի խոսքերն այն մասին, որ թվային հարթակներն օգտագործվում են մարդկանց մոլորեցնելու և ատելություն սերմանելու համար: