Չինաստանի հազվագյուտ մետաղների արտահանման սահմանափակումները հարվածել են ավտոարդյունաբերությանը

Չինաստանի կողմից հազվագյուտ մետաղների և մագնիսների արտահանման սահմանափակումները սկսել են լուրջ հետևանքներ թողնել գլոբալ ավտոարդյունաբերության վրա։ Եվրոպական մի շարք ավտոմասերի գործարաններ արդեն դադարեցրել են արտադրությունը, իսկ Mercedes-Benz քննարկում է պահուստային լուծումներ՝ խուսափելու նյութական դեֆիցիտից։

Չինաստանը արտադրում է աշխարհի հազվագյուտ մետաղների մոտ 90%-ը։ Դրանք անհրաժեշտ են էլեկտրական մեքենաների, չիպերի, ավիացիայի և ռազմական տեխնիկայի արտադրության համար։ Ford-ի ֆինանսական տնօրենն ընդգծել է, որ սահմանափակումներն ավելացրել են բյուրոկրատիան՝ առաջացնելով անորոշություն ամբողջ շղթայում, հայտնում է Reuters-ը։

Եվրոպական մատակարարների ասոցիացիան (CLEPA) հայտնում է, որ բազմաթիվ մատակարարներ դիմել են արտահանման արտոնագրի համար, սակայն դրանցից միայն քառորդ մասն է հաստատվել։ BMW-ի մի մասը ազդել է, սակայն գործարանները դեռ աշխատում են։ Mercedes-ը պահուստներ է կազմում հնարավոր ճգնաժամից խուսափելու համար։

Տարբեր երկրներ սկսել են նոր մատակարարման աղբյուրներ փնտրել՝ Չինաստանից կախվածությունը նվազեցնելու համար։ Սակայն մասնագետները նշում են՝ առաջիկա երեք տարիներին այլընտրանք չկա, բացի Չինաստանի հետ պայմանավորվածության հասնելուց։ Այժմ քննարկվում է հարցը Դոնալդ Թրամփի և Սի Ծինփինի առաջիկա բանակցությունների օրակարգում։