«Ժողովուրդ». Արարատ Միրզոյանը արտոնյալ է ՔՊ թիմում, բայց հետ քաշված

«Ժողովուրդ» օրաթերթը գրում է. ««Ժողովուրդ» օրաթերթը տեղեկացավ, որ այսօր Ազգային ժողովում 2024 թվականի պետական բյուջեի կատարման տարեկան հաշվետվությունը ներկայացնելու կգնա ՀՀ արտաքին գործերի նախարար Արարատ Միրզոյանը:

ՔՊ-ական մեր աղբյուրները փոխանցում են, որ Միրզոյանը իրենց թիմի միակ անդամներից է, որ քիչ շփում ունի թիմի հետ ու կարելի է ասել սա հնարավորություններից մեկն է նրան հարցեր ուղղելու: ՔՊ-ականները մեզ պատմում են, որ Միրզոյանը մի կողմ է քաշվել, սկանդալային միջադեպերից թիմին չի պաշտպանում, այլ միայն իր աշխատանքով է զբղված:

«Ժողովուրդ» օրաթրթը տեղեկացավ, որ Արարատ Միրզոյանն անգամ հրաժարվել է ՔՊ վարչության անդամ լինելուց, որպեսզի որևէ ձևով չխառնվի ՔՊ-ի ներսի «խարդավանքներին»: ՔՊ-յամերձ մեր աղբյուրները նշում են նաև, որ Միրզոյանը կապերը խզել է անգամ իր վաղեմի ընկերների հետ և այլևս թիմային մարդ չի համարվում:

Հիշեցնենք, որ նախօրեին «Ժողովուրդ» օրաթերթը գրել էր, որ Արարատ Միրզոյանի ջանքով, «Էնթերփրայզ Արմենիա» բիզնես կենտրոնի տնօրեն է նշանակվել նրա կինը` Գոհար Աբաջյանը: Սա մի նոր ներդրումային գրավչության կենտրոն է որին թերևս սպառնում է կոռումպացված ԱՆԻՖ-ի ճակատագիրը»։