Սթարմերը խոստացել է Թագավորությունը «պատրաստել» ՌԴ-ի դեմ պատերազմի

Մեծ Բրիտանիան չի կարողացել բավարարել ՆԱՏՕ-ի դաշնակիցների պաշտպանական ծախսերի վերաբերյալ ԱՄՆ նախագահ Դոնալդ Թրամփի պահանջները: Այս մասին հայտնում է The Washington Post-ը:

«Պաշտպանության ռազմավարական վերանայման ընթացքում Մեծ Բրիտանիայի կառավարությունը նոր ռազմական ծախսերի կոչ է արել, սակայն այդ նպատակները դեռևս չեն համապատասխանում ՆԱՏՕ-ի դաշնակիցների նկատմամբ նախագահ Թրամփի պահանջներին», - ասվում է նյութում: Նշվում է՝ Մեծ Բրիտանիայի վարչապետ Քիր Սթարմերը ներկայացրել է ծախսերի ծրագրերը և խոստացել Թագավորությունը «պատրաստել պատերազմի»՝ հայտարարելով, որ եկել է ժամանակը «պաշտպանական դիվիդենտներ տրամադրել բրիտանական ժողովրդին» և պատասխանել Ռուսաստանի կողմից աճող սպառնալիքին:

Միևնույն ժամանակ, բրիտանական կառավարությունը նախատեսում է մինչև 12 նոր հարվածային սուզանավերի կառուցում, զինամթերքի արտադրության վեց նոր գործարանների ստեղծում և բրիտանական արտադրության մինչև 7000 միավոր հեռահար զենքի գնում: Մեծ Բրիտանիան պետք է 20 միլիարդ դոլար ծախսի իր միջուկային մարտագլխիկների արդիականացման համար: