BYD-ն պատրաստվում է գրոհել Աֆրիկայի ամենամեծ ավտոմոբիլային շուկան

Չինական էլեկտրամոբիլների հսկա BYD-ն հայտարարում է, որ մինչև 2026 թվականը գրեթե եռապատկելու է իր դիլերական կենտրոնների թիվը Հարավային Աֆրիկայում՝ հասնելով մինչև 35-ի։ Ընկերությունն արդեն ունի 13 դիլեր և նպատակ ունի մինչև տարեվերջ ունենալ 20։

 

BYD-ն ապրիլին Հարավային Աֆրիկայում գործարկել է իր նոր մոդելները՝ հիբրիդ Shark pick-up, SEALION 6 և ամբողջությամբ էլեկտրական SEALION 7։ Այս քայլին ընկերությունը գնում է՝ մրցակցելով այլ չինական բրենդների՝ GAC-ի, Chery-ի և GWM-ի հետ։

 

Չնայած շուկայի ցածր ծավալին՝ 2024-ին NEV-ների (նոր էներգիայի մեքենաների) վաճառքը կրկնապատկվել է՝ հասնելով 15,611 միավորի։ BYD-ն նպատակ ունի կրթել և ակտիվացնել տեղական սպառողին՝ պատրաստելով նրան անցմանը կանաչ շարժունակության, հայտնում է  Reuters-ը։