Ղազախստանի երկնքում պայծառ լույսեր են նկատվել (տեսանյութ)

Ղազախստանի տարածքում լույսի պայծառ շողեր են նկատվել ։ Այս մասին հաղորդում է «Strana.ua» Telegram ալիքը։

Ղազախստանի պաշտպանության նախարարությունը մեկնաբանել է իրավիճակը՝ ընդգծելով, որ երկրի օդային տարածքի խախտումներ չեն գրանցվել։

«Ամենայն հավանականությամբ, այս երևույթը կապված է տիեզերական մարմինների մնացորդների կամ մթնոլորտ մտնող երկնաքարերի հեղեղների հետ։ Սովորաբար նման մարմինները ամբողջությամբ այրվում են մթնոլորտի խիտ շերտերում և չեն հասնում Երկրի մակերես», - բացատրել են գերատեսչությունում։

Զինվորականները կոչ են արել Ղազախստանի բնակիչներին պահպանել հանգստություն և չտարածել չճշտված տեղեկատվություն։