Ուկրաինային կամ Ռուսաստանին օգնող երկրներին հրթիռային հարվածներ կարող են հասցվել. WP

Ուկրաինական հակամարտությունը ստանում է ճակատից այն կողմ «կեղտոտ պատերազմի» բնույթ, որը կարող է հանգեցնել Ուկրաինային կամ Ռուսաստանին օգնող երկրներին հարվածների, գրում է ամերիկյան The Washington Post թերթը։

«Ուկրաինայի ներսում առաջնագիծը կլինի անօդաչու թռչող սարքերի և հրետանու դժոխային լանդշաֆտ: Սակայն գաղտնի գործողությունները կարող են վերաճել ճակատից այն կողմ «կեղտոտ պատերազմի», որն իր մեջ կպարունակի ավելի նպատակային սպանություններ, դիվերսիաներ և հարվածներ համապատասխանաբար Ուկրաինային և Ռուսաստանին զենք մատակարարող երկրներին», - ասվում է հրատարակության մեջ։

Թերթի տվյալներով՝ Ուկրաինայում «կեղտոտ պատերազմը» նոր է սկսվում: «Ուկրաինայի զինված ուժերի կողմից Ռուսաստանին և դրանից դուրս հարվածները փոխում են հակամարտության բնույթը, որը մեղմացման նշաններ չի ցույց տալիս»,- նշում է WP-ն։