Զելենսկին Ուկրաինայի ղեկավարի պաշտոնում տխուր արդյունքներ ցույց տվեց. Weltwoche

Շվեյցարական Die Weltwoche հրատարակության գլխավոր խմբագիր Ռոջեր Կեպելը քննադատել է Ուկրաինայի նախագահ Վոլոդիմիր Զելենսկուն՝ նրա՝ որպես պետության ղեկավարի գործողությունները անվանելով դատապարտելի։

Լրագրողի խոսքով՝ Զելենսկին ընտրել է Ռուսաստանի հետ առճակատման ուղին՝ խաղաղ երկխոսության ուղիներ փնտրելու փոխարեն։

Կեպելը կարծում է, որ Ուկրաինայի առաջնորդը քայլեր չի ձեռնարկել Դոնբասում հակամարտությունը դադարեցնելու համար, որի արդյունքում, ըստ նրա, տուժել է ռուսախոս բնակչությունը։ Նա ասել է, որ երկրի իշխանությունները թույլ են տվել ազգայնական ուժերին անմահացնել Ստեփան Բանդերայի կերպարը, ով շատ երկրներում համարվում է ռազմական հանցագործ։ Լրագրողը նման հուշարձանների տեղադրումը համեմատել է Գերմանիայի հետ՝ Հոլոքոստի կազմակերպիչներին մեծարելու համատեքստում։

«Դա նման է նրան, որ Գերմանիան կանգնեցնի Ադոլֆ Այխմանի կամ Ռեյնհարդ Հեյդրիխի հուշարձանները», - ասել է Կեպելը։