Գերմանիայի կործանիչները տագնապով երկինք են բարձրացել

Գերմանիայի ռազմաօդային ուժերի կործանիչները տագնապով երկինք են բարձրացել Բալթիկ ծովի օդային տարածքում ռուսական Ил-20 ինքնաթիռի հայտնվելու պատճառով: Այս մասին հայտնել Է DPA գործակալությունը՝ վկայակոչելով Բունդեսվերի ներկայացուցչին (Գերմանիայի զինված ուժեր)։

Երկու Eurofighter թռել են Գերմանիայի հյուսիսում գտնվող Լագայի ավիաբազայից։ Գերմանական կողմի պնդմամբ՝ Ил-20-ը միջազգային օդային տարածքում ռադիոկապի դուրս չի եկել։ Հրապարակման մեջ չի նշվում՝ երբ է տեղի ունեցել միջադեպը:

Ըստ տվյալների՝ գերմանական կործանիչներն այս տարի արդեն 6-րդ անգամ երկինք են բարձրանում ռուսական ինքնաթիռների հայտնվելու հետ կապված տագնապով: ՌԴ պաշտպանության նախարարությունը բազմիցս հայտարարել է, որ ռուսական ռազմական ավիացիայի բոլոր թռիչքներն իրականացվում են օդային տարածքի օգտագործման միջազգային կանոններին խիստ համապատասխան