Լատվիայում կարող են քրեական գործ հարուցել ռուսերենը պաշտպանած պատգամավորի դեմ

Լատվիայի արդարադատության նախարար Ինեսե Լիբինյա-Էգները հայտարարել է, որ պետության անվտանգության ծառայությունը կարող է քրեական հետապնդում սկսել Ալեքսեյ Ռոսլիկովի դեմ՝ ռուսերեն լեզուն հրապարակայնորեն պաշտպանելու համար։ Նա գրել է, որ Լատվիայի Պետական լեզվի կենտրոնը կսկսի վարչական վարույթ, իսկ անհրաժեշտության դեպքում կգործակցի ոստիկանության և անվտանգության ծառայության հետ։

 

Լիբինյա-Էգները մեղադրել է Ռոսլիկովին Լատվիայի պետական լեզվական կարգավիճակը հարցականի տակ դնելու և հանրության մեջ պառակտում սերմանելու մեջ, հայտնում է Лента.ру-ն։

 

Կրեմլի խոսնակ Դմիտրի Պեսկովը նախկինում նշել էր, որ Ռոսլիկովի ռուսերեն ելույթը ցույց է տալիս՝ Բալթյան երկրներում դեռ պահպանվել են ողջամիտ ձայներ, սակայն Լատվիայի իշխանությունների արձագանքը Մոսկվայում անվանում են կանխատեսելի։