Գաղտնալսող սարքեր՝ Թուրքիայի վարչապետի աշխատասենյակում

Թուրքիայի վարչապետ Ռեջեփ Թայիփ Էրդողանի աշխատասենյակում գաղտնալսող սարքեր են հայտնաբերել: Ինչպես հայտնում են թուրքական ԶԼՄ-ները, այդ մասին հայտարարել է վարչապետը տեղական լրատվամիջոցներին տված հարցազրույցի ժամանակ:

Էրդողանի խոսքերով՝ նա տեղյակ չի եղել գաղտնալսող սարքերի գոյության մասին, այդ մասին նա տեղեկացել է Թուրքիայի Ազգային հետախուզական ծառայության զեկույցի ընթերցումից հետո: Գաղտնալսող սարքավորումների հայտնաբերումից հետո Էրդողանի անձնական թիկնազորի պետն ու Թուրքիայի նախարարների խորհրդի Անվտանգության ծառայության ապարատի ղեկավարն ազատվել են զբաղեցրած պաշտոններից: