Լոս Անջելեսում ներգաղթի խստացման դեմ ցույցեր են․ Թրամփը 2000 ազգային գվարդիական է ուղարկել (տեսանյութ)

Լոս Անջելեսում՝ Հարավային Կալիֆոռնիայում, բողոքի ցույցեր են ընթանում ներգաղթի և մաքսային վերահսկողության ծառայության (ICE) կողմից ներգաղթյալների դեմ շարունակվող խիստ միջոցառումների պատճառով։

The Guardian-ի հաղորդմամբ՝ ԱՄՆ նախագահ Դոնալդ Թրամփը Լոս Անջելես է ուղարկել Ազգային գվարդիայի 2000 զինծառայողի՝ բողոքի ցույցերի ֆոնին:

Կալիֆոռնիայի նահանգապետն այս քայլն անվանել է «նպատակային հրահրում» և նշել, որ դա «կսրացնի լարվածությունը» ներգաղթի դեմ պայքարի միջոցառումների ֆոնին:

Հունիսի 6-ին օրը ավելի վաղ ICE-ն, որը պատասխանատու է անօրինական ներգաղթյալների արտաքսման համար, ձերբակալել էր 44 մարդու։

Վկաները հայտնել են, որ ICE տեսուչները ռեյդերի ժամանակ օգտագործել են արցունքաբեր գազ և լուսարձակող նռնակներ։ Դրանից հետո քաղաքի կենտրոնում հավաքվել է ավելի քան 300 ցուցարար՝ դատապարտելով ICE-ի դաժան մեթոդները։