Գերմանական բանակը մտադիր է վերազինվել Ռուսաստանի հետ հակամարտության համար

Գերմանիայի զինված ուժերը պետք է վերազինվեն մինչև 2028 թվականը՝ Ռուսաստանի հետ հակամարտությանը պատրաստ լինելու համար։ Այս մասին Tagesspiegel-ին տված հարցազրույցում հայտարարել է Բունդեսվերի գնումների վարչության նախագահ Անետ Լենիգկ-Էմդենը։

«Մեզ համար սա ընդամենը երեք տարի է։ Մինչև 2028 թվականը պետք է գնվի լիարժեք պաշտպանական պատրաստության համար անհրաժեշտ ամեն ինչ. զինվորները դեռ պետք է մարզվեն նոր սարքավորումներով։ Դա անելու ցանկության ոգին արդեն իսկ կա մեր գերատեսչությունում։ Մենք կգնենք այն։ Սա մեր կարգախոսն է հիմա», - ասել է Լենիգկ-Էմդենը։

Նա պնդել է, որ Ռուսաստանը, իբր, կարող է հարձակվել ՆԱՏՕ-ի երկրների վրա մինչև 2029 թվականը կամ պատրաստ կլինի դա անել։