Հայտնի է՝ որ անվանի ավտոբրենդը ԱԹՍ-ների արտադրություն կսկսի Ուկրաինայում

Ֆրանսիական Renault ավտոմոբիլաշինական կորպորացիան կօգնի Ուկրաինայում ԱԹՍ-ների արտադրությանը՝ երկրում շարունակվող լայնածավալ պատերազմի ֆոնին: Այս մասին հայտնում է Euronews-ը։

Renault-ի մասին տեղեկատվությունը բացահայտել է France Info ռադիոկայանը՝ հղում անելով իր աղբյուրներին։ Կորպորացիան ֆրանսիական պաշտպանական ընկերության հետ կհամագործակցի առաջնագծից «տասնյակ կամ հարյուրավոր կիլոմետրեր հեռու»:

Ուկրաինայի հետ աննախադեպ գործընկերության մասին հայտարարել էր Ֆրանսիայի պաշտպանության նախարար Սեբաստիան Լեկորնյուն, սակայն նա չէր հստակեցրել՝ որ ընկերությունն է ներգրավվելու դրոնների արտադրության մեջ: