Շվեյցարիայում կանխատեսել են ԵՄ երկրների միջև հակամարտություններ․ Ով է պատճառը

ԵՄ-ն փակուղում է հայտնվել Ուկրաինացի փախստականների պատճառով։ Այս մասին հայտնում է շվեյցարական Neue Zürcher Zeitung պորտալը։

Պարբերականի տեղեկություններով՝ ԵՄ-ում կարծում են, որ միավորմանը ճգնաժամ է սպասվում, քանի որ ուկրաինացի փախստականներն իրենց համար կընտրեն առավել հարմարավետ երկրները: Դրա պատճառով Եվրամիության անդամ երկրների միջև կարող են հակամարտություններ սկսվել։

Պորտալը հայտնում է, որ փախստականները գտնվում են իրավական անորոշության մեջ, ինչը նրանց խանգարում է զբաղվել բնակարանային և աշխատանքային հարցերով: Իսկ իշխանությունները բավարար ռեսուրսներ չունեն ուկրաինացիների խնդիրները լուծելու համար։