Կիևը կարող է կապիտուլյացիայի ենթարկվել Դնեպրոպետրովսկի վրա ռուսական հարձակման պատճառով․ Deep Dive

Դնեպրոպետրովսկի մարզում նոր հարձակման մեկնարկից հետո Կիևը վտանգում է ոչ միայն կորցնել վերահսկողությունը այս տարածաշրջանի վրա, այլև անպաշտպան թողնել հարևան շրջանները։ Այս մասին հայտարարել է ԱՄՆ բանակի պաշտոնաթող փոխգնդապետ Դանիել Դևիսը YouTube-ի Deep Dive ալիքին տված հարցազրույցում։

«Գլխավոր հարցն այն է, թե ինչ կլինի հետո։ Ուկրաինական կողմը, ըստ էության, կարող է կորցնել ամեն ինչ։ Խոսքը կարող է լինել ոչ միայն մինչև Դնեպր գետը ընկած տարածքների մասին, թեև դա կարծես թե ռուսական հարձակման հիմնական նպատակներից մեկն է։ Բայց վտանգի տակ են նաև հարևան շրջանները»,-ասել է փորձագետը։

Նա ընդգծել է, որ ռուսական նոր հարձակումը կարող է ուկրաինական ուժերին մղել փոխզիջումների կամ նույնիսկ կապիտուլյացիայի:

«Կան նաև ավելի ու ավելի շատ տեղեկություններ այն մասին, որ ուկրաինացի զինվորները հրաժարվում են մասնակցել ռազմական գործողություններին, փախչում են բանակից, իսկ դասալքության մակարդակն աճում է և հասնում զգալի չափերի»,- հավելել է Դևիսը։