Լիբիայում ազատ է արձակվել առևանգված ալժիրցի նահանգապետը

Ինչպես հաղորդում է BBC–ն, այսօր Ալժիրին սահմանակից Լիբիայում ազատ է արձակվել «Ալ–Ղաիդա» ահաբեկչական խմբավորման կողմից առևանգված Ալժիրի նահանգապետերից մեկը։ 

BBC–ն` հղում անելով ալժիրական տեղեկատվական գործակալությանը, Ալժիրի Իլիցիա գավառի ղեկավար Մուհամեդ Լաիդ Խելֆին ազատ է արձակվել լիբիական իշխանությունների կողմից և շուտով կվերադառնա Ալժիր։ Տեղեկատվական գործակալության հաղորդմամբ՝ նահանգապետին առևանգողները ձերբակալվել են Ալժիրի սահմանից 150 կմ հեռավորության վրա։ Ըստ BBC–ի՝ Խելֆին առևանգվել է զինված գրոհայինների կողմից Լիբիայի և Ալժիրի սահմանագծին։  Հիշեցնենք, որ Reuters լրատվական գործակալությունը հայտնել էր, որ «Ալ–Ղաիդա»–ի ահաբեկիչները մի քանի օր առաջ Լիբիայի սահմանին առևանգել են Ալժիրի նահանգապետերից մեկին։