Լեհաստանն ու Գերմանիան կարող են դադարեցնել սոցիալական աջակցությունը ուկրաինացի փախստականներին

Լեհաստանի ներքին գործերի նախարար Տոմաշ Սիեմոնյակը և Գերմանիայի ՆԳ նախարար Ալեքսանդր Դոբրինդտը կոչ են արել հեռացնել ուկրաինացի փախստականներին սոցիալական աջակցության համակարգերից։ Այս մասին հայտնում է Լեհաստանի նախարարության կայքը։

«Ինչ վերաբերում է Լեհաստանում և Գերմանիայում Ուկրաինայից փախստականների հետ կապված իրավիճակին, նախարարները ԵՄ բյուջեից ավելի շատ աջակցություն են ակնկալում, քան մինչ այժմ տրամադրվել է: Լրացուցիչ ջանքեր պետք է գործադրվեն փախստականներին սոցիալական աջակցության համակարգից անկախացնելու համար», - ասվում է Լեհաստանի ՆԳՆ-ի հայտարարության մեջ:

Նախարարության տվյալներով՝ ներկայումս Գերմանիայում բնակվում է Ուկրաինայի մոտ 1 մլն քաղաքացի։ Ընդ որում, Լեհաստանում ուկրաինացի փախստականների թիվը կազմում է 1,5 միլիոն։