Իսրայելը Գրետա Թունբերգին արտաքսել է Շվեդիա՝ Գազայի հատված մտնելու փորձից հետո

Իսրայելի արտգործնախարարությունը հայտնել է, որ շվեդ բնապահպան ակտիվիստ Գրետա Թունբերգը արտաքսվել է երկրից՝ փորձելով միանալ «Ազատության նավատորմին» և մուտք գործել Գազայի հատված։ «Գրետա Թունբերգն այս պահին արդեն դուրս է եկել Իսրայելից՝ մեկնելով Շվեդիա՝ Ֆրանսիայի միջով անցնող չվերթով», — նշվում է գերատեսչության հայտարարության մեջ։

Արտգործնախարարության տվյալներով՝ Թունբերգի հետ միասին Բեն Գուրիոնի օդանավակայան են տեղափոխվել նաև նույն նավում եղած Ֆրանսիայի, Թուրքիայի, Բրազիլիայի և Շվեդիայի քաղաքացիները՝ իրենց երկրներ վերադառնալու համար։ Նախօրեին իսրայելական ուժերը կանգնեցրել ու զննել էին «Madleen» անունով նավը, որը մասնակցում էր Գազա մեկնող «Ազատության նավատորմի» գործողությանը։ Նավում եղել է 12 մարդ, այդ թվում՝ Գրետա Թունբերգը։

Արտաքսման պահին Թունբերգը հայտարարել է, թե Իսրայելն իրեն «պաշտոնապես առևանգել է»։ Նա կոչ է արել իր կողմնակիցներին և Շվեդիայի կառավարությանը՝ միջամտել իր և մյուս ձերբակալվածների ազատման համար: Ի դեպ, մինչ այդ Իսրայելի իշխանությունները Թունբերգին առաջարկել էին դիտել ՀԱՄԱՍ-ի 2023 թվականի հարձակման մասին ֆիլմը, հայտնում է Газета.ру-ն։