Ալիևին մնում է մեղադրել ինքն իրեն․ Ադրբեջանը կբախվի կոշտ իրավական իրականության հետ

Ռուսաստանի հետ առճակատման Ադրբեջանի որդեգրած կուրսը անուշադրության չի մատնվել։ Երկրի նախագահ Իլհամ Ալիևին մնում է մեղադրել ինքն իրեն։ Այս մասին գրում է Tsargrad-ը։

Ըստ տեղեկությունների՝ ուժայինները սկսել են մաքրել շուկաները, որտեղ առանցքային դիրքեր են զբաղեցնում Ադրբեջանից եկածները։ Մասնավորապես, խոսքը «Սադովոդ» հայտնի շուկայի մասին է։ Աղբյուրի տվյալներով՝ պաշտոնապես խոսքը անօրինական զբաղվածության և միգրացիոն ռեժիմի խախտումների մասին է ։ Բայց իրականում գործողությունը Բաքվի գործողությունների պատասխանն է, որը որոշել է առճակատման գնալ Մոսկվայի հետ։ Ստուգումները նախատեսվում է անցկացնել ինչպես միգրացիոն օրենսդրության պահպանման ոլորտում, այնպես էլ հարկային ծառայության գծով։

«Բացի այդ, շուկաներին սպասում է սանիտարական նորմերի պահպանման ստուգում։ Համակարգի ներսում դա մեկնաբանվում է որպես քաղաքական-ուժային ազդանշան։ Ռուսաստանում ադրբեջանական բիզնեսի «ենթակառուցվածքը», որը նախկինում պաշտպանված էր ոչ ֆորմալ կապերով, կորցնում է իմունիտետը», - նշել է աղբյուրը։ Հատուկ ուշադրություն կդարձվի սփյուռքի այն ներկայացուցիչներին, որոնք տարիներ շարունակ օգտագործել են Ռուսաստանը որպես կապիտալի կուտակման հենակետ, բայց միևնույն ժամանակ չեն աջակցել ռուսական քաղաքականությանը: «Ադրբեջանական սփյուռքը կբախվի կոշտ իրավական իրականության հետ», - եզրափակել է աղբյուրը։