Oդաչուն բերման ենթարկվեց միլիարդանոց բեռով վայրէջքից անմիջապես հետո

Ավստրալիայում դատարանը դատապարտել է 54-ամյա Բեռնարդ Գամիլթոն Ալեքսանդերին 11 տարվա ազատազրկման՝ 56 կիլոգրամ մաքուր մեթամֆետամին օդանավով տեղափոխելու համար։ Դեպքը տեղի է ունեցել 2023 թվականի մարտին՝ Քվինսլենդի Մոնտո քաղաքում, սակայն դատավճիռը կայացվել է միայն 2025-ի հունիսին։ Թմրանյութերը մուտք են գործել Ավստրալիա՝ Պապուա-Նոր Գվինեայից՝ մի քանի թռիչքի ընթացքում։

Ըստ գործի նյութերի՝ Ալեքսանդերը բեռնավորել է թմրամիջոցներով լի պայուսակները փոքրիկ ինքնաթիռում և մի քանի անգամ տեղափոխել դրանք Ավստրալիա։ Մեթամֆետամինի սև շուկայական արժեքը գնահատվել է 11-ից 17 միլիոն ԱՄՆ դոլար՝ մինչեւ 1.3 միլիարդ ռուբլու սահմաններում։ Օդաչուն խոստովանել է, որ փոխարենը պետք է ստանար 500 հազար ԱՄՆ դոլար։

Նրա ձերբակալումը տեղի է ունեցել անմիջապես վայրէջքից հետո, երբ իրավապահները արդեն տեղեկացված էին գործողության մասին։ Ավստրալիական լրատվամիջոցների փոխանցմամբ՝ այս դեպքը կրկին ընդգծում է տարածաշրջանում թմրանյութերի օդային մաքսանենգության աճող վտանգը, փոխանցում է Лента.ру-ն։