Իսրայելը լիովին պատրաստ է Իրանում ռազմական գործողությունների մեկնարկին․ CBS

Իսրայելը լիովին պատրաստ է Իրանում ռազմական գործողություն սկսելուն, հաղորդում է ամերիկյան CBS News հեռուստաալիքը՝ հղում անելով ամերիկյան աղբյուրներին։

«ԱՄՆ պաշտոնյաներին տեղեկացվել է, որ Իսրայելը լիովին պատրաստ է գործողություն սկսել Իրանում», - ասվում է հոդվածում։

Ընդ որում, ինչպես նշվել է, Վաշինգտոնը սպասում է, որ Իրանը կարող է պատասխան հարված հասցնել հարևան Իրաքում գտնվող որոշ ամերիկյան օբյեկտների։

«Սա այն պատճառներից մեկն է, որ ԱՄՆ-ն չորեքշաբթի օրը որոշ ամերիկացիների խորհուրդ տվեց լքել տարածաշրջանը», - հաղորդում է հեռուստաալիքը՝ հղում անելով իր աղբյուրներին։

Միաժամանակ նշվում է, որ իսրայելցի պաշտոնյաները հրաժարվել են մեկնաբանել գործողության հնարավոր մեկնարկի մասին տեղեկությունը։