Ալիևը շնորհավորել է Պուտինին

Ադրբեջանի նախագահ Իլհամ Ալիևը Ռուսաստանի օրվա առթիվ իր ռուս գործընկեր Վլադիմիր Պուտինին ուղղված շնորհավորական ուղերձում ընդգծել է երկու երկրների միջև բարեկամական հարաբերությունները, հաղորդում է Ադրբեջանի ղեկավարի մամուլի ծառայությունը։

«Հարգելի Վլադիմիր Վլադիմիրովիչ, խնդրում եմ ընդունեք իմ սրտանց շնորհավորանքներն ու բարեմաղթանքները ազգային տոնի՝ Ռուսաստանի օրվա կապակցությամբ: Ադրբեջանի և Ռուսաստանի ժողովուրդներին անհիշելի ժամանակներից կապում են բարեկամության, բարիդրացիության և փոխադարձ աջակցության սերտ հարաբերությունները», - Ալիևի խոսքերն է մեջբերում ՏԱՍՍ-ը:

Ադրբեջանի նախագահը նաև հայտարարել է, որ այս ավանդույթները հիմք են ստեղծում միջպետական ​​հարաբերությունների զարգացման և տարբեր հարցերի շուրջ համագործակցության խորացման համար։