Ամերիկացի զինվորականների ընտանիքները լքում են Մերձավոր Արևելքը․ CBS News

Իսրայելը «լիովին պատրաստ է» Իրանի դեմ գործողություն սկսելու, հաղորդում է CBS News-ը՝ վկայակոչելով բազմաթիվ աղբյուրներ։

Նրանց խոսքով՝ ԱՄՆ-ն Իրանի կողմից հնարավոր պատասխան հարված է ակնկալում Իրաքում ամերիկյան օբյեկտներին։ Սա է պատճառներից մեկը, որ ԱՄՆ որոշ քաղաքացիների, այդ թվում՝ դիվանագետների և զինվորականների հարազատներին խորհուրդ է տրվել նախօրեին հեռանալ Մերձավոր Արևելքից։

Ինչպես նշում է CBS News-ը, չնայած տեղի ունեցողին, Մերձավոր Արևելքում ԱՄՆ նախագահ Դոնալդ Թրամփի հատուկ բանագնաց Սթիվ Վիտկոֆը մտադիր է առաջիկա օրերին հանդիպել Իսլամական Հանրապետության ներկայացուցիչների հետ՝ միջուկային ծրագրի շուրջ բանակցությունների վեցերորդ փուլի համար։