Ռուսաստանը պատասխան միջոցներ կձեռնարկի ԵՄ 18-րդ պատժամիջոցների փաթեթի դեմ

Ռուսաստանը պատասխան միջոցներ կձեռնարկի Եվրամիության նոր պատժամիջոցներին։ Այս մասին Известия թերթին տված հարցազրույցում ասել է ՌԴ արտաքին գործերի նախարարության փոխղեկավար Ալեքսանդր Գրուշկոն։

Նա ընդգծել է, որ պետք է տեսնել, թե ինչ սահմանափակումներ են կիրառվելու ԵՄ պատժամիջոցների 18-րդ փաթեթում։

Նրա խոսքով՝ եվրոպական պետություններն իրենց գործողություններով «շատ հաճախ կրակում են իրենց ոտքերին, երբեմն՝ նույնիսկ ավելի բարձր»։

Գրուշկոն հավելել է, որ ռուսական կողմը պաշտպանական պատասխան միջոցներ կձեռնարկի, ինչպես նաև հակաքայլեր։