Ծովային հետևակները դուրս կգան Լոս Անջելեսի փողոցներ՝ քաղաքացիականներին կալանավորելու լիազորությամբ

Մոտակա երկու օրում ԱՄՆ ծովային հետևակայինները միանալու են Ազգային գվարդիային Լոս Անջելեսում՝ ներգաղթի ծառայողների դեմ բողոքի ակցիաները վերահսկելու նպատակով։ Նրանց կտրվի լիազորություն ժամանակավոր կալանավորել ինչպես ռեյդերին խանգարողներին, այնպես էլ դաշնային գործակալներին դիմադրող ցուցարարներին։ Նախագահ Թրամփը հրաման է տվել զորքերի տեղակայման մասին՝ Կալիֆոռնիայի նահանգապետ Նյուսոմի դեմ դուրս գալով և սրելով բողոքի ալիքը, որը հասել է Նյու Յորք, Ատլանտա և Չիկագո։

Նախագահը հայտարարել է, որ առանց իր քայլերի Լոս Անջելեսը արդեն կհրդեհվեր, մինչդեռ նահանգային և տեղական իշխանությունները նրան մեղադրում են լարվածության ավելացման և օրենքի խախտման մեջ։ Մինչ զինվորականները պատրաստվում են գործել «Title 10» օրենքի շրջանակում, որը թույլ է տալիս կարճաժամկետ կալանք վտանգի դեպքում, Կալիֆոռնիան դատական կարգով պահանջում է դադարեցնել դաշնային ուժերի ներգրավումը քաղաքացիական խնդիրներում, հայտնում է Reuters-ը։

Բողոքի ակցիաները սկսել են ներգաղթի խիստ ռեյդերի պատճառով, իսկ շաբաթ օրը սպասվում են ավելի քան 1,800 հակաթրամփյան ցույցեր ամբողջ երկրում՝ համընկնելով ԱՄՆ բանակի 250-ամյակի զորահանդեսի և Թրամփի 79-ամյակի հետ։ Լոս Անջելեսում ցուցարարները բախվել են ոստիկանության հետ, ոմանք ձերբակալվել են, մյուսները՝ վիրավորվել ոչ մահաբեր զինատեսակներից։