Ռուս սենատորը Զելենսկուն խորհուրդ է տալիս ավարտել պատերազմը՝ կապիտուլյացիայով

ՌԴ Դաշնային խորհրդի միջազգային հարաբերությունների հանձնաժողովի փոխնախագահ Վլադիմիր Ջաբարովը հայտարարել է, որ Ուկրաինայում հակամարտությունը կարող է ավարտել միայն Վլադիմիր Զելենսկին՝ կապիտուլյացիա ընդունելով։ Նրա խոսքով՝ այլ տարբերակ չկա, և արևմտյան առաջնորդները, ներառյալ Դոնալդ Թրամփը, չեն կարող վճռորոշ դեր ունենալ։

Ջաբարովը Զելենսկու՝ Թրամփին հղված հայտարարությունը որակել է որպես «երազանքներ»՝ նշելով, որ Ռուսաստանը «սեփական պայմաններով» պատրաստ է ավարտել հակամարտությունը։ Սենատորը հավելել է, որ Մոսկվայի որոշումների վրա նոր պատժամիջոցները ազդեցություն չեն ունենա։

Զելենսկին ավելի վաղ նշել էր, որ ՌԴ Զինված ուժերի վերջին հարձակումը արդեն երեք շաբաթ է՝ կասեցվում է, և ռուսները «հատուկ հաջողություններ չունեն»։ Գերմանիայում  հայտարարել են, որ Ռուսաստանին խաղաղության պարտադրելու ռազմավարությունն անհաջողություն է կրել։