Իրանի և Իսրայելի միջև պատերազմը կարող է տարածվել նաև այլ երկրներում․ վերլուծաբան

Նման զանգվածային հարված ստանալով՝ Իրանը կձգտի համարժեք պատասխան տալ Իսրայելին, քանի որ Մերձավոր Արևելքում և ընդհանրապես արևելյան մշակույթում ընդունված չէ «մյուս այտը դեմ տալ»։ Թեհրանը պետք է ցույց տա իր թշնամիներին ու հարևաններին, որ չի թուլացել։ Այս մասին Газета.Ru-ին ասել է արաբագետ և արևելագետ Անդրեյ Չուպրիգինը։

«Իրանական անօդաչու թռչող սարքերն արդեն հարձակվում են Իսրայելի վրա Իրաքի և Սիրիայի օդային տարածքով: Իսրայելցիները, դատելով տեղեկություններից, ակնկալում են նաև բալիստիկ հրթիռներով հարվածներ: Դժվար է ասել, թե երբ կդադարի այս էսկալացիան, բայց Իրանն արդեն չեղարկել է ամերիկացիների հետ միջուկային ծրագրի շուրջ բանակցությունների հաջորդ փուլը:

Նա կարծում է, որ Իսրայելի և Իրանի միջև հակամարտությունն անխուսափելի է, սակայն հարցն այն է, թե որքանով այդ առճակատումը կմեծանա։

Հաշվի առնելով, որ Իրանն ու Իսրայելը չունեն ցամաքային սահման, այս պատերազմը տեղի կունենա այլ պետությունների տարածքում, մասնավորապես՝ Սիրիայի և Իրաքի տարածքում»,- եզրափակել է Չուպրիգինը։