Չինաստանը դեմ է Իրանի ինքնիշխանության և անվտանգության դեմ ցանկացած ոտնձգության․ Չինաստանի ԱԳՆ

Չինաստանը խիստ մտահոգված է այն լուրջ հետևանքներով, որոնց կարող են հանգեցնել Իրանին Իսրայելի հարվածները: Այդ մասին հայտարարել է Չինաստանի ԱԳՆ պաշտոնական ներկայացուցիչ Լին Ցզյանը, հաղորդում է China Global South-ը:

«Չինաստանը դեմ է Իրանի ինքնիշխանության, անվտանգության և տարածքային ամբողջականության դեմ ցանկացած ոտնձգության, ինչպես նաև գործողությունների դեմ, որոնք հանգեցնում են լարվածության սրման կամ հակամարտության ընդլայնման։ Տարածաշրջանում լարվածության կտրուկ վերսկսումը չի բխում ոչ մեկի շահերից», - հայտարարել է նա ։